[ ] Italia — Roma — undated — IG XIV 1890
1     Θεοῖς ❦ Καταχθονίοις.
ἐνθάδ’ ἐγὼ κεῖμαι Ὀλυμπία ∙ ἐτῶν
κβʹ ∙ / Ἕλλην μὲν τὸ γένος, πατρὶς δέ μοι ἦτον
Ἀπάμεα ∙ / οὐδένα λοιπήσασα / οὐ μεικροῦ ψυχήν, οὐ μεγάλου
5 κραδίην ∙ / στήλην δ’, ἣν ἐπύησα κατὰ χθόνα δάκρυσι θερμοῖς, /
παρθένον ἣν ἔλαβον, Σωτᾶς Ὀλυμπιάδι πέποικα ∙ / στοργὴ
γὰρ μεγάλη τῶν ἀμφοτέρων διέμεινεν ∙ / ὡς ὅπου φῶς
τὸ γλυκὺν παρέμεινε ἀκτεῖσι ἐπιλάμπων ∙ / ἡδὺν ἀπὸ
στόματος καὶ γλυκὺν ὡς μελίτιν ∙ / ταύτην τὴν στ̣-
10 λην ἐπύησα Σωτᾶς σε φιλήσας ∙ / ψυχῇ διψώσῃ
       ψυχρὸν ὕδωρ μετάδ<ο>ς·
  ❦ ἀδε<λ>φὸς ταύτης ἐπέγραψεν. ❦
Search Help
Contact Us