[ ]
Att. — non-stoich. — 183/2
| in corona: | |
| 1 | οἱ ὀργεῶνες |
| τοὺς ἐπιδε- | |
| δωκότας. | |
| [ἐπ]ὶ Ἑρ[μο]γέν[ο]υ ἄρχοντος· Μουνιχιῶνος ἀγορᾶι κυρίαι· Σίμων Σίμωνος Πόριος ε[ἶπεν]· | |
| 5 | ἐπειδὴ συμβαίνει πλείω [ἀ]νηλώματα γείνεσθαι καὶ διὰ ταῦ[τα ἀξιοῦσιν] |
| αἱ ἀεὶ λανχάνουσαι ἱέρειαι διάταξίν τινα ἑα[υταῖς] γενέσθαι [ε]ὐσχήμονα | |
| καθ’ ἣν λει[το]υργήσουσιν μηδεμι[ᾶ]ς [α]ὐ[τ]α̣[ῖ]ς ἐπι[θ]έτ̣[ου] δαπάνης ἐπικειμένη[ς], | |
| ἀ[γαθ]εῖ τύχει δεδόχθαι τοῖς ὀργεῶσιν, τὴν λαχοῦσαν ἱέρειαν εἰς [τὸν] μετὰ [Ἑρ]- | |
| μογένην ἄρχοντα ἐνιαυτόν, κατὰ ταὐτὰ δὲ καὶ τὰς λοιπὰς [σ]τ[ρω]ννύειν | |
| 10 | θρόνους δύο [ὡς] καλλίστους, περιτιθέναι δὲ ταῖς φιαληφόροις καὶ τ[α]ῖ[ς πε]- |
| ρὶ τὴν θεὸν οὔσαις ἐν τῶι ἀγερμ[ῶ]ι κόσμον ἀρ[γυροῦ]ν· [ἐὰ]ν [δ]ὲ παρὰ ταῦ- | |
| τα ποιεῖ, κύριοι ἔ[σ]τωσαν οἱ ὀργεῶνες ζημιοῦντε[ς τὴ]ν [π]α[ρ]αβαίνουσά[ν] | |
| τι τῶν γεγραμμένων μέχρι δραχμῶν π[εν]τήκον[τα κα]ὶ εἰσπραττ[όν]- | |
| των τρόπωι ὅτωι ἂν [δύνωνται· μ]ὴ ἐξεῖναι δὲ μηθενὶ μηδ’ ἐπιψηφίσαι | |
| 15 | τὸν εἰθισμένον ἔπαινον αὐταῖς· κύριοι δ’ ἔστωσαν καὶ τὸ φύλλον τ̣ά̣[ξ]α[ι] |
| ὑπὲρ τῆς ἀπειθούσης· καθιστάτω δὲ ἡ ἀεὶ λανχάνουσα ἱέρε[ια ζάκο]- | |
| ρον ἐκ τῶν ἱερειῶν [τ]ῶν γεγενε<ι>ῶν π[ρ]ότερον, δ[ὶ]ς δὲ τὴν αὐ̣τ̣ὴ̣ν̣ [μὴ ἐξεῖ]- | |
| ναι καταστῆσαι ἕωσς ἂν ἅπασαι διέλθωσιν, εἰ δ[ὲ μή], ἔν[οχ]ος ἔ[στω] | |
| ἡ ἱέρεια τοῖς αὐτοῖς ἐπιτιμίοις. ἀναγράψαι δὲ τόδε τὸ ψήφισμα τ[ὸν] | |
| 20 | γραμματέα εἰς στήλην λιθίνην καὶ στῆσαι ἐν τῶι ἱερῶι. |
| vacat 0.016 | |
| 21 | ἐπὶ Σωνίκου ἄρχοντος· Μουνιχιῶνος ἀγορᾶι κυρίαι· |
| ἔδοξεν τοῖς ὀργεῶσιν· [Κλ]έϊππος Αἰξωνεὺς εἶπεν· | |
| ἐπειδὴ Μητροδώρα ἀ[ξι]ωθεῖσα ὑπὸ τῆς ἱερείας Ἀριστ[ο]- | |
| δίκης τῆς γενομένης ἐπὶ Ἱπ<π>άκου ἄρχοντος ὥστε ζακο- | |
| 25 | ρεῦσαι καὶ συνδιεξαγαγεῖν μετ’ αὐτῆς τὸν ἐνιαυτὸν ἐπέ- |
| δωκεν αὑτὴν καὶ συνδιεξῆγαγεν καλῶς καὶ εὐσχημόνως | |
| καὶ εὐσεβῶς τὰ πρὸς τὴν θεὸν καὶ ἀνέγκλητον αὑτὴν παρε- | |
| σκεύασεν [τ]αῖς τε ἰερείαις καὶ τοῖς ὀργεῶσιν, κατὰ ταὐτὰ δὲ [κ]αὶ | |
| ἐπὶ Σωνίκου ἄ[ρχον]τ[ο]ς γενομένη<ς> ἱερείας Σιμάλης καὶ ἀξι- | |
| 30 | ωσά[σης] ἐπιχωρῆσαι ἑαυτῆι τοὺς ὀργεῶνας ὥστε καταστ[ῆ]- |
| σαι ζάκορον Μητροδώραν καὶ ἐπιχωρησάντων αὐτῆι καὶ ταύ- | |
| τηι συνδιεξήγαγεν τὴν ἱερωσύνην καλῶς καὶ εὐσχημό- | |
| νως καὶ εὐσεβῶς τά τε πρὸς τὴν θεὸν καὶ τὰς ἱερέας καὶ τ[ο]ὺς <ὀργεῶνας>· | |
| δι’ ὃ κ̣α̣ὶ φιλοτειμοῦνται αἱ ἱέρειαι τοῦ κατασταθῆναι αὐτὴ[ν] | |
| 35 | διὰ βίου ζάκορον τεῖ θεῶι· ὅπως ἂν οὖν φαίνωνται π[λ]είστ[ην] |
| πρόνοιαν ποιούμενοι τῆς θεοῦ καὶ ἔχηι αὐτ[οῖς] καλῶς καὶ εὐσ[ε]- | |
| [βῶς τὰ κατὰ τ]ὴν θεόν, ἀγαθεῖ τύχει δεδόχθαι τοῖς ὀργεῶσιν, | |
| [τ]ὰ μὲν ἄλλα πάν̣τα π̣[ράττ]ειν κατὰ τὸ ψήφισμα ὃ Σίμων Πόριος | |
| εἶπεν, καταστῆσαι [δ]ὲ τοὺς ὀργεῶνας ζάκορον τεῖ θεῶι διὰ [βίου] | |
| 40 | Μητροδώραν καὶ λειτουργεῖν αὐτ[ὴν] ἀεὶ ταῖς γινομέναις |
| ἱερείαις παρεχομένην τὴν χρείαν καλῶς καὶ εὐσχημόνως | |
| καὶ φροντίζουσαν ὅπως εὐσεβῶς ἔχηι τὰ κατὰ τὴν θεὸν κα[θὼς] | |
| ἡ μήτηρ αὐτῆς Εὔα[ξ]ις διετέλεσεν τοῦτο πράττουσα. ἀναγράψαι | |
| δὲ τόδε τὸ ψήφισμα τὸν γραμματέα εἰς τὴν στήλην τῶν ὀργεών[ων]. |