Decree of Korkyra accepting invitation of Magnesia Mai. to
Leukophryena and giving honors to thiaroi from Magnesia Mai. and
to Magnesia Mai., with subscript listing Orikos as voting
likewise; IIIe/II; found at Magnesia Mai.: *IMagnesia 44;
**Wilhelm, JÖAI 4, 1901 Beibl. 26 (l. 41); **Holleaux, REA 3,
1901, 123 (ll. 42-43).
[ ]
IMagn 44
| 1 | παρὰ Κορκυραίων· |
| ἐπὶ πρυτάνιος Ἀνθρωπίσκου μηνὸς Φοινικαίου ἁμέραι πέμπτα<ι> | |
| ἐπ’ εἰκάδι, προστάτας προβούλων Μνάσων Στράτωνος· ἀγαθᾶι τύχαι· | |
| ἐπειδὴ ἁ πόλις ἁ τῶμ Μαγνήτων πρὸς τῶι Μαιάνδρωι ὑπαρχούσας | |
| 5 | οἰκειότατος αὐτᾶι ποτὶ τὰν πόλιν τῶγ Κορκυραίων θυσίαν τε ποιεῖν ἐψά- |
| φισται κατὰ τὰν τοῦ Ἀπόλλωνος μαντείαν τᾶι Ἀρτέμιτι τᾶι Λευκοφπυη- | |
| νᾶι καὶ πανάγυριν διὰ πενταετηρίδος καὶ ἀγῶνα μουσικὸν καὶ ἱππικὸν | |
| καὶ γυμνικὸν στεφανίταν ἰσοπύθιον ταῖς τιμαῖς καὶ ἀπέσταλκε πρεσ- | |
| βευτὰς καὶ θιαροὺς Σωσικλῆ{ι} Διοκλέος, Ἀριστόδαμον Διοκλέος, | |
| 10 | Διότιμον Μηνοφίλου, οἳ ποτελθόντες ποτὶ τὰν ἐπείσκλητον τό τε ψά- |
| φισμα ἀπέδωκαν τὸ παρὰ Μαγνήτων καὶ ἀπελογίξαντο τάν τε τᾶς θε- | |
| ᾶς ἐπιφάνειαν καὶ τὰν ὑπάρχουσαν οἰκειότατα ταῖς πόλεσιν καὶ τὰς | |
| γεγενημένας ὑπὸ τῶν προγόνων αὐτῶν εὐεργεσίας εἴς τε τὸ ἱερὸν τὸ ἐν | |
| Δέλφοῖς καὶ εἰς τοὺς Ἕλλανας διά τε τῶν τοῦ θεοῦ χρησμῶν καὶ δία τῶν | |
| 15 | ποιητᾶν καὶ διὰ τῶν ψαφισμάτων τῶν ὑπαρχόντων αὐτοῖς παρὰ ταῖς πό- |
| λεσιν καλῶν καὶ ἐνδόξων, παρεκάλουν τε καὶ ὤιοντο δεῖν παραδεξαμέ- | |
| νους, καθὼς καὶ αἱ πόλιες αἱ Ἑλλανίδες, μετέχειν τᾶς τε θυσίας | |
| καὶ τοῦ ἀγῶνος καὶ ἀποστέλλειν θιαρούς, ἐπεί κα ἑκαστάκις ὁ χρόνος περι- | |
| ίκῃ τᾶς π[ε]νταετηρίδος, τοὺς κοινωνησοῦντας τᾶς τε θυσίας καὶ τῶν λοι- | |
| 20 | πῶν τιμίων παρ’ αὐτοῖς, δεδόχθαι τοῖς Κορκυραίοις· παραδέξασθαι |
| τάν τε θυσίαν καὶ τὸν ἀγῶνα τᾶς Ἀρτέμιτος τᾶς Λευκοφρυηνᾶς στεφα- | |
| νίταν ἰσοπύθιον ταῖς τιμαῖς, ὃν τίθητι ἁ πόλις ἁ τῶν Μαγνήτων, καὶ τοῖς | |
| νικῶσι τῶν πολιτᾶν τὰς αὐτὰς εἶμεν τιμὰς παρὰ τᾶς πόλιος, ἃς καὶ τοῖς | |
| τὰ Πύθια νικῶσιν· ἀποκρίνασθαι δὲ τοῖς πρεσβευταῖς καὶ θιαροῖς διότι | |
| 25 | ἁ πόλις ἁ τῶν Κορκυραίων αὐτά τε τιμῶσα διατελεῖ τὰν Ἄρτεμιν θυσίαις, |
| καθὼς αὐτᾶι πάτριόν ἐστιν, καὶ Μάγνησι δὲ τοῖς παρακαλοῦσιν ἐπὶ ταῦτα | |
| προθύμως ἐπακολουθεῖ καὶ συναύξει τὰς τιμὰς τὰς ποτιγινομένας τᾶι | |
| θεῶι· ὅπως δὲ καὶ οἱ θιαροὶ αἱρεθῶντι καὶ ἀποσταλῶντι εἰς τ[ὸ]ν καιρὸν τὸν | |
| δέοντα π̣ροβούλους τοὺς γενομένους ἐν ἀρχᾶι κατὰ τὸν χρόνον τὸν συνίκον- | |
| 30 | τα ἐπιμεληθῆμεν ὡς ἂν ἀποσταλῶντι, εἴ κα δυνατὸν ἦι τᾶι πόλει, δόμεν δὲ τοῖς |
| τε νῦν πα̣ροῦσι θιαροῖς ἱερεῖον ἐνίστιον τέλειον καὶ ἐκέχειρον εἴς τε τὰν θυσί- | |
| αν καὶ τἆλλα τὰ νομιζόμενα ἀργυρίου Κορινθίου δραχμὰς ἑκατὸν πεντήκον- | |
| τα, [ἐ]πεί κα τὰν ἐπαγγελίαν τοῦ ἀγῶνος ποιήσωνται, ὁμοίως δὲ καὶ τοῖς ἄλλοις | |
| ἀεὶ τοῖς παραγινομένοις, περὶ δὲ πάντων τούτων γράψαι τοὺς αἱρημένους | |
| 35 | νομοθέτας καὶ κατατάξαι ἐς τοὺς ἱεροὺς νόμους· εἶμεν δὲ αὐτῶν τάν τε |
| πόλιν̣ καὶ τὰγ χώραν ἱερὰν καὶ ἄσυλον κατὰ τὸν τοῦ θεοῦ χρησμόν· ἐπαινέ- | |
| σ̣αι [δὲ] καὶ τὸν ἀρχιθέωρον Σωσικλῆ{ι} καὶ τοὺς θιαροὺς Ἀριστόδαμον, | |
| [Διότι]μον εὐσεβείας ἕνεκεν τᾶς εἰς τὰν θεὸν καὶ τᾶς εἰς τὰν πατρίδα | |
| [φι]λοτιμίας, ὑπάρχειν δὲ καὶ προξενίαν αὐτοῖς καὶ ἐκγόνοις, καλέσαι δὲ κα[ὶ] | |
| 40 | [αὐτοὺς] ἐν τὸ πρυταν̣εῖον, εἶμεν δὲ καὶ θιαροδόκον Κλείδικον Ἀλεξικλέ[ος] |
| [τὸν ὑποδε]ξούμε̣[νον τὰς ἀ]εὶ παρ[αγιν]ομένας θιαρίας παρὰ Μαγνήτων, τ[ὸ] | |
| δὲ ψάφι̣σ̣μ̣[α ἀναγραφὲν ἐν στάλα]ν ἀναθέμεν πρὸ τοῦ πρυτανείου, τὸ δὲ̣ | |
| [εἰς τὰ προγεγραμμένα? γε]ν̣όμενον ἀνάλωμα εἴς τε τὰν κατα[σκευὰν τᾶς στάλας?] | |
| [—] | |
| 45 | [ἀ]κολ̣ού̣[θ]ως̣ [δ]ὲ ἔ[δοξεν ψηφίσασθαι καὶ |
| Ὠ[ρ]ικί[οις.] |