[ ] Phokis — Delphi — 157/6 BC — SGDI 2737
1                                ἀγαθᾶι τύχαι.
[ἄρχο]ντος Πατρέα, βουλευόντων τὰν πρώταν ἑξάμηνον Ἀστυόχου, Ἀρχελ[άου, Νι]-
[κία], ἔδοξεν τᾶι πόλει τῶν Δελφῶν ἐν ἀγορᾶι τελείωι· ἐπειδὴ παραγενόμ[ενοι]
[οἱ ἀ]ποσταλέντες θεωροὶ ποτὶ τὸν βασιλῆ Πτολεμαῖον Ἀστύοχος, Εὐαγόρα[ς]
5 [ἐπάγ]γελλον τᾶι πόλει, διότι Σέλευκος Βίθυος Ἀλεξανδρεὺς ἀνὴρ ἀγαθὸς ὢ[ν δια]-
[τελεῖ] ποτὶ τὸ ἱερὸν καὶ τὰν πόλιν τῶν Δελφῶν καὶ περὶ πλείστου ποιείμενος [τὰν πο]-
[τὶ τοὺ]ς θεοὺς εὐσέβειαν καὶ αὐτοσαυτὸν εὔχρηστον ἐμ παντὶ καιρῶι παρασ[κευάζ]-
[ων καὶ] κοινᾶι τᾶι πόλει καὶ ἰδίαι τοῖς ἐντυνχανόντοις τῶν πολιτᾶν εἰς ἅ κά τις αὐτ[ὸν παρα]-
[καλῆι], καὶ τοῖς ἀφικνουμένοις Δελφῶν ποτὶ τὸν βασιλῆ Πτολεμαῖον συνεργείμε[νος με]-
10 [τὰ προ]θυμίας, ἐν οἷς κα τυγχάνωντι χρείαν ἔχοντες, καὶ λέγει καὶ πράττει τὰ συμ[φέροντα]
[διὰ π]αντὸς παρὰ τῶι βασιλεῖ περί τε τοῦ ἱεροῦ καὶ τᾶς πόλιος τῶν Δελφῶν· περὶ δ[ὴ τούτων]·
[ἀγα]θᾶι τύχαι· δεδόχθαι τᾶι πόλει τῶν Δελφῶν ἐπαινέσαι Σέλευκον Βίθυος Ἀλε[ξανδρῆ]
[ἐπὶ τ]ᾶι προαιρέσει, ἃν ἔχων διατελεῖ ποτί τε τὸ ἱερὸν καὶ τὰν πόλιν, καὶ στεφαν[ῶσαι αὐτὸν δά]-
[φνας σ]τεφάνωι τᾶς παρὰ τοῦ θεοῦ, καθὼς πάτριόν ἐστι Δελφοῖς, ὑπάρχειν δὲ αὐτῶι [καὶ ἐκγόνοις]
15 [προξ]ενίαν, προμαντείαν, προδικίαν, ἀσυλίαν, ἀτέλειαν, προεδρίαν ἐν πᾶσι τοῖς ἀγών[οις οἷς ἁ πόλις]
[τίθη]τι καὶ τἆλλα ὅσα καὶ τοῖς ἄλλοις προξένοις καὶ εὐεργέταις· ἀναγράψαι δὲ τὸ ψά[φισμα τόδε τοὺς ἐπι]-
[μελητὰς τῶ]ν Σωτηρίων Ἀνδρομένη, Φιλοκράτη καὶ ἀναθέμεν ἐν τῶι ἱερῶι ἐν τῶ[ι ἐπιφα]-
[νεστάτωι τ]όπωι.
Search Help