[ ] Mesambria (Nesebar) — 281-277 BC — cf. IGBulg V 5086
[— — — — — — — — — — — — — — — — — —]
1 [— — — — — — — — — — — —]Ι̣ΑΚ̣Ι̣ΑΝΣΛ̣[— —]
[— — — — — — —]Ι̣Ι̣τ̣ο̣ι̣ς Σαδαλαι ὥς κα δυνα-
[τὸν τ]ά̣χιστα· στεφανῶσαι δὲ αὐτὸν χρυσ[έ]-
[ωι] στεφάνωι εὐε[ρ]γέταν ἐόντα τᾶς πόλιος
5 Διονυσίοις ἐν τῶι θεάτρωι· δεδόσθαι δὲ αὐ-
τῶι καὶ ἐκγόνοις πολιτείαν καὶ προξενίαν
καὶ προεδρίαν ἐν τοῖς ἀγῶσιν καὶ εἴσπλουν
καὶ ἔκπλουν ἀσυλεὶ καὶ ἀσπονδεί· στεφα-
νοῦσθαι δὲ αὐτὸν καθ’ ἕκαστον ἐνιαυ-
10 τὸν στεφάνωι στατήρων πεντήκοντα·
τὸν δὲ ταμίαν τὸν ὅρκον καὶ τὰς ὁμολογία[ς]
γράψαντα εἰς στάλαν λιθίναν κοῖλα γράμ-
ματα ἀναθέμεν εἰς τὸ ἱερὸν τοῦ Ἀπόλ-
λωνος παρὰ τὰς στάλας τῶμ προγόνων
15 Μοψυηστιος καὶ Ταρουτινου καὶ Μηδιστα̣
καὶ Κοτυος.
              vacat
17 ὁμολογία Σαδαλα καὶ Μεσσαμβριανῶν·
αἴ τινές κα ἐκπίπτωντι Μεσσαμβριανῶν
[ποτὶ τ]ὰ̣ν̣ Σαδαλα, ἀποδιδόντες τῶν ναύλ̣-
20 [λων — — — — στα]τ̣ῆ̣ρ̣α̣ς̣ κ̣α̣ὶ̣ ἡ̣μ̣ι̣στάτηρο̣-
[ν — — — — — — — — — — — — — — —]
Search Help