| 1 | ἔδοξε τᾶι βουλᾶι καὶ τῶι δά- |
| μωι, γνώμα προστατᾶν· ἐπειδὴ | |
| Πραξιφάνης Κρατίδα ἐπελθὼν | |
| ἐπί τε τὰν βουλὰν καὶ τὸν δᾶ- | |
| 5 | μον ἐμφανίζει Θεόγνητον Ἀν- |
| τιβίου Λαμψακηνὸν εὔνουν ἦ- | |
| μεν τῶι δάμωι τῶι Καλυμνίων | |
| καὶ τοῖς ἐντυνχάνουσι τῶν | |
| πολιτᾶν χρείας παρεχόμενο<ν> | |
| 10 | πᾶσιν ἀπροφασίστως κατὰ δύ- |
| ναμιν τὰν αὐτοῦ οὐθὲν ἐν- | |
| λείποντα προθυμίας, ὅπως οὖν | |
| φαίνηται ὁ δᾶμος τιμῶν τοὺς | |
| εὐεργετεῖν προαιρουμένους | |
| 15 | αὐτὸν καὶ τοὶ αἱρούμενοι τὰς |
| χρείας παρέχεσθαι τῶι δάμωι | |
| τῶι Καλυμνίων εἰδῶντι ὅτι ὑπαρ- | |
| ξεῖ αὐτοῖς πάντα τὰ τίμια παρὰ | |
| τοῦ πλήθους τοῦ Καλυμνίων κα- | |
| 20 | τὰ δύναμιν τὰν αὐτῶν, ἀγαθᾶι |
| τύχαι, δεδόχθαι τῶι δάμωι· πολί- | |
| ταν ἦμεν Καλυμνίων Θεόγνη- | |
| τον Ἀντιβίου Λαμψακηνὸν καὶ | |
| αὐτὸν καὶ ἐγγόνους, μετέχον- | |
| 25 | τας πάντων ὧνπερ καὶ τοὶ ἄλλοι |
| Καλύμνιοι. ἐπικλαρῶσαι δὲ αὐ- | |
| τὸν καὶ ἐπὶ φυλὰν καὶ δᾶμον· | |
| τοὺς δὲ προστάτας ἀναγράψαι | |
| τόδε τὸ ψάφισμα εἰς στάλαν λι- | |
| 30 | θίναν καὶ θέμεν εἰς τὸ ἱερὸν τοῦ |
| Ἀπόλλωνος· τᾶς δὲ ἀναθέσεως | |
| καὶ τᾶς ἀναγραφᾶς ἐπιμεληθῆ- | |
| μεν Πραξιφάνη Κρατίδα· ἐπε- | |
| κλαρώθη ἐπὶ φυλὰν καὶ δᾶμον· | |
| 35 | ἔλαχε φυλᾶς Κυδρηλείων, |
| δάμου Ἀμφιπετρᾶν. |