[ ] Delos — 148/7 BC
1 ἐπὶ Ἄρχοντος ἄρχοντος, ἐπὶ τῆς Ἀτταλίδος ἕκτης πρυ-
τανείας, Ποσιδεῶνος δεκάτει προτέραι, ἐκκλησία κυρί[α]
ἐν τῶι ἐκκλησιαστηρίωι, Πέλοψ Εὐβούλου Ἀτηνεὺς εἶ-
πεν· ἐπειδὴ Ἀπολλώνιος Δημητρίου Λαοδικεὺς ὁρμώμε-
5 νος ἀπὸ παιδείας τὴμ πλείστην πρόνοιαν πεποίηται εἰς
τὸ παραγενόμενος εἰς τὴν νῆσον μὴ μόνον τὴν ἀνα-
στροφὴν ἀξίαν τοῦ ἐπιτηδεύματος παρασκευάσαι,
ἀλλὰ καὶ τοὺς πλείστους τῶν ἐλευθέρων παιδῶν,
ἔτι δὲ καὶ τῶν ἐφήβων καὶ νεανίσκων ἐπὶ τὴν αὐτὴν
10 αἵρεσιν προτρέψασθαι, ἐπεστατηκὼς δὲ αὐτῶν ἔτη
καὶ πλείω ἐν τοῖς ὅπλοις καὶ τούτοις ἀνέγκλητον αὑ-
τὸν παρεσκεύασεν, ἔτι δὲ καὶ τοῖς ἀεὶ χειροτονουμένοις
γυμνασιάρχοις· ὅπως οὖν καὶ ὁ δῆμος ὁ Ἀθηναίων τῶν
ἐν Δήλωι κατοικούντων φαίνηται τιμῶν τοὺς ἀξί-
15 ους τῶν ἀνδρῶν· τύχει ἀγαθεῖ· δεδόχθαι τεῖ βουλεῖ τοὺς λα-
χόντας προέδρους εἰς τὴν ἐπιοῦσαν ἐκκλησίαν χρημα-
τίσαι περὶ τούτων, γνώμην δὲ ξυμβάλλεσθαι τῆς βο[υ]-
[λ]ῆς εἰς τὸν δῆμον ὅτι δοκεῖ τεῖ βουλεῖ· ἐπαινέσαι μὲ[ν]
Ἀπολλώνιον Δημητρίου Λαοδικέα καὶ στεφανῶσαι
20 δάφνης στεφάνωι τῶι ἱερῶι τοῦ θεοῦ ἐπί τε τεῖ αἱρέ-
σει ἧ<ι> ἔχων διατελεῖ περὶ τοὺς ἐν Δήλωι πολίτας καὶ ἐπ[ὶ]
τεῖ ἄλλει ἀναστροφεῖ καὶ παρεπιδημίαι ἧι πεποίηται
ἐν τεῖ νήσωι· τοὺς δὲ κεχειροτονημένους ἄνδρας ἐπὶ τὴ[ν]
φυλακὴν τῶν ἱερῶν χρημάτων Γόργιν καὶ Νικόδημο[ν]
25 μερίσαι Ἀπολλωνίωι ξένιον ὅσον ἂν αὐτοῖς εὔκαιρον εἶ-
ναι φαίνηται· ἀναγράψαι δὲ τόδε τὸ ψήφισμα εἰς σ[τή]-
λην λιθίνην καὶ ἀναθεῖναι αὐτὴν ἐν τῶι ἱερῶι· τὸ δ[ὲ]
γενόμενον εἰς αὐτὴν ἀνάλωμα μερίσαι
Γόργιν καὶ Νικόδημον.
Search Help