Honorary decree of athletic association for athlete T(itus) (?) Aelius Aurelius Menandros, xystarches of agones in colony Antiocheia (in Pisidia); AD 161/169; found at Aphrodisias: Fellows, Acct. 306-311, no. 21; CIG 2811b (pp. 1113-1114); Leake, TRSL 1843, 236-237 and 293-294, no. 12; Bailie, Fasc. ii 256-258, no. 248; Franz, Ann. d. Inst. 19, 1847, 109, no. 7; Henzen, Ann. d. Inst. 23, 1852, 119-120, no. 2; LW 1620a; Liermann 86-88, no. 15 (non vidi); Moretti no. 72; Cormack, Notes 13 and 58, fig. 6; SEG 14, 732; *MAMA 8, no. 421 (PH, part); **Hellenica 13, 147-154 (ll. 15, 38, 43); BE 1966:392.  
[ ] MAMA VIII, no. 421
1 [— ἐπιψηφ]ισαμένου Τ(ίτου) Α[ἰλίου]
[—] παλαιστοῦ παραδό[ξου·]
[ἐπεὶ Τ(ίτος)?] Αἴλιος Αὐρήλιος Μένανδρος
παράδοξος καὶ διὰ βίου ξυστάρχης
5 τῶν ἐν κολωνείᾳ Ἀντιοχείᾳ ἀγώνων
ἀθλήσας ἐνδόξως καὶ ἐπιμελῶς ἐπὶ το-
σ̣οῦτον δ̣όξης προέβη ὡς πρῶτον
[ἀ]νελέσθαι εὐτυχῶς τοσούτους ἀγῶ-
[ν]ας καὶ δοξάσαι καθ’ ἕκαστον ἀγῶνα τὴν
10 λαμπροτάτην πατρίδα αὐτοῦ κηρύγμα-
[σ]ιν καὶ στ̣εφάνοις, μάλιστα δὲ καὶ ἐπὶ
[θ]εοῦ Ἀντωνείνου, ὡς οὐ μόνον στε[φα]-
[νω]θῆναι ταῖς ἐκείνου χειρσὶν ἀλλὰ κ[αὶ]
[τειμ]αῖς̣ ἐξαιρέτοις τειμηθῆναι, μεταξὺ
15 [δὲ γ]ενόμενος ξυστάρχης τοσαύτῃ εὐ-
νοίᾳ καὶ ἐπιμελείᾳ μετὰ σπουδῆς ἁπά-
σης κήδεται τῶν ἡμεῖν διαφερόν-
των τὰ κάλλιστα καὶ ἄριστα πολειτευ-
όμενος ἐν ἡμεῖν καὶ διὰ ταῦτα καὶ ἄλλο-
20 τε μὲν πολλάκις καὶ τὰ νῦν ἐπαινοῦν-
τες τὸν ἄνδρα καὶ μαρτυροῦντες αὐτῷ
ψηφίσματα τοῖς κυρίοις Αὐτοκράτορ-
σιν πεπόμφαμεν ἡγούμενοι μεγίστ-
ας καὶ ἀνταξίας ἀμοιβὰς αὐτῷ γενέσ-
25 θαι ἀντὶ τῆς περὶ ἡμᾶς εὐνοίας καὶ ὅτι δα-
πανήμασιν ἱκανοῖς καὶ κόπῳ πολλῷ περι-
εγένετο καὶ διεπράξατο ἀχθῆναι τὸν ἔναγ-
κος ἀγῶνα παρὰ τοῖς Ἀντιοχεῦσιν ὡς νο-
μίζειν ἡμᾶς οἰκόθεν παρ’ αὐτοῦ ἀνῃρῆσθαι
30 τὰ θέματα· διὰ ταῦτα δεδόχθαι τύχῃ ἀγαθῇ
εὐχαριστῆσαι τῷ Μενάνδρῳ ἐπί τε τῆς ἱερω-
τάτης βουλῆς καὶ τοῦ λαμπροτάτου δήμου
Ἀφροδεισιέων περὶ τῶν προηγορευμένων
τειμῆσαί τε αὐτὸν ἀνδριάντων ἀναστάσει καὶ
35 εἰκόνων ἀναθέσει ἐν τῷ ἐπισημοτάτῳ
τῆς πατρίδος τόπῳ ἐπιγραφησομένων
τῶν τειμῶν τῇ προγραφῇ τοῦδε τοῦ ψη-
φίσματος πρὸς τὸ ἀϊδίους ὑπάρξαι αὐ-
τῷ τὰς παρ’ ἡμῶν τειμάς.
40 ἔστιν δὲ καὶ πολείτης πόλεων τῶν ὑπο-
γεγραμμένων· Περγαμηνῶν, Ἀντιοχέ-
ων Καισαρέων κολώνων, καὶ βουλευτὴς
Θηβ̣αίων καὶ βουλευτὴς Ἀπολλωνιατῶν
Λυκίων Θρᾳκῶν καὶ βουλευτὴς Μειλη-
45 σίων, Πεσσινουντίων, Κλαυδιοπολειτῶν,
ἐπιμεληθέντος τῶν τειμῶν Ζήνωνος
τοῦ Ἀπολλωνίου τοῦ Μενάνδρου τοῦ
ἀδελφοῦ αὐτοῦ.
Search Help
Contact Us