Terms for sale of priesthood of Dionysos Phleos; II; found at Priene: *IPriene 174; Syll3 1003; Sokolowski, LSAM 37; SEG 15, 689.  
[ ] IPri 174
See also:
1 διαγραφὴ Διονύσου Φλέου.
ἀγ[α]θῆι τύχηι· ἐπὶ τοῖσδε πωλοῦμεν τὴν ἱε̣-
ρ̣ω̣σύνην τοῦ Διονύσου τοῦ Φλέου· ὁ πριά̣μ̣ε̣-
ν̣ο̣ς̣ ἱερήσεται χρόνον ὅσον ἂμ βιοῖ, ἱερήσε-
5 [τ]α̣ι δὲ καὶ τοῦ Διονύσου τοῦ Καταγωγίου·
[τ]ελὴς δὲ ἔσται καὶ τοῦ σώματος· εἶναι̣
δὲ αὐτῶι καὶ ἐμ πρυτανείωι καὶ ἐμ Πανιωνί-
ωι σίτησιν πάσας τὰς ἡμέρας· λήψεται δὲ ὧν̣
πόλις θύει σκέλος γλῶσσαν δέρμα παρὰ βω-
10 μ̣οῦ μοίρας· vacat παρέξεται δὲ θύα οὐλὰς λιβανω-
τὸν ἔλατρα βοῒ μὲν ἐκ τεταρτέως, προβάτωι δὲ
ἐξ ἡμιέκτου, γαλαθηνῶι δὲ ἐγ δύο χοινίκων·
εἶναι δὲ αὐτῶι καὶ ἐν τῶι θεάτρῳ ἐμ προεδρίαι
καθ̣ῆσθαι καὶ στολὴν ἔχειν ἣν ἂμ βούληται καὶ
15 στέφανον κισσοῦ χρυσοῦν· vacat θύσει δὲ καὶ τὰς θυ-
σίας τὰς ἐν τῶι θεάτρωι τῶι Διονύσωι τῶι Μελ-
πομ̣ένωι καὶ λιβανωτὸν ἐπιθήσει καὶ σπονδαρ-
χήσει καὶ τὰς εὐχὰς εὔξεται ὑπὲρ τῆς πόλεως
τῆς Πριηνέων· ἐχέτω δὲ καὶ στολὴν ἣν ἂμ βού-
20 ληται καὶ στέφανον χρυσοῦν μῆνα Ληναιῶνα
καὶ Ἀνθεστηριῶνα, καὶ τοῖς Καταγωγίοις καθη̣-
γήσεται τῶν συγκαταγόντων τὸν Διόνυσον,
στολὴν ἔχων ἣν ἂν θέληι καὶ στέφανον χρυ-
σοῦν· vacat ἐὰν δὲ ὑπὲρ ἐξακισχιλίας δραχμὰς
25 εὕρηι ἡ ἱερωσύνη καὶ ἀτελὴς ἔσται ὁ πριάμενος
λαμπαδαρχίας vacat ἀγωνοθεσίας vacat ἱπποτροφίας
ἀρχιθεωρίας vacat γυμνασιαρχίας· vacat ἐὰν δὲ ὑπὲρ μυ-
ρίας καὶ δισχιλίας δραχμὰς ἀγοράσηι, ἀτελὴς ἔσ-
ται καὶ τριηραρχίας καὶ οἰκονομίας καὶ νεωποΐας
30 καὶ προεισφορᾶς χρημάτων· vacat καταβαλεῖ δὲ ὁ πριά-
μενος τῶι νεωπόηι τὸ μὲν ἐπιδέκατον παραχρῆ-
μα, τῆς δὲ λοιπῆς τιμῆς τὸ μὲν ἥμυσυ μηνὸς̣ Με-
ταγειτνιῶνος ἔτους τοῦ αὐτοῦ, τὸ δὲ ἥμυσυ μη̣-
νὸς Ἀνθεστηριῶνος ἐπὶ στεφανηφόρου Κλεο-
35 μένου· ἐπρίατο Ἀθηνόπολις Κυδίμου δραχμῶν
μυρίων δισχιλίων δύο καὶ τοῦ ἐπιδεκάτου δρα-
χμῶν vacat χιλίων  διακοσίων vacat ὀβολοῦ χαλκῶν
τριῶν.
Search Help
Contact Us